ვემზადებით ღალისათვის

30 ლარი ღირს სენაკში ერთი ასეთი შეკვრა-10 ამპულა ვაროკომი.  35-40 ლარადაც იშოვი თუ მოინდომე)).  სულით, გულით, საქმის ცოდნით დაწერილი დარიგება. იმედია ასეთივე მონდომებითაა დამზადებული ემულსია და თავზარს ვცემ ჩემს ვაროა დესტრუქტორს.  შეფუთვაზე არ ეყო შ.პ.ს. "დავათის" შემართება-თხელი გამოვიდა ქაღალდის კოლოფები-არასიცოცხლისუნარიანები, მაგრამ კვლავ მოთმინება, მონდომება და 10-15 წუთში გამოსწორებულია საქმე. მეორე კოლოფზე ბევრად ნაკლები დრო დაიხარჯა-გამოცდილება, პრაქტიკა...
საფუტკრეში შესვლამდე  15-20 წუთით ადრე ვამზადებთ მუშა ხსნარს, რათა კარგად, თანაბრად გაიხსნას ემულსია წყალში. 

სკებს ვათვალიერებ, ჩარჩოებს ვამოწმებ-ღალის წინ, თან ვაროკომით ვამუშავებ ფუტკარს-ტკიპას საწინააღმდეგოდ.

ესეც ბილიკი ზაფხულის ბოლოს დაკარგული, რომ იყო ის.

ასეთ დღეშია ძველი, დაუსახლებელი, უპატრონო)) სკა.

ესეც ჩემი სკის ჭერი, რამდენიმე კონსტუქციის შემდეგ, ამ ვარიანტზე გავჩერდი.

აქამდე გაზეთის დაფარებით ვეხმარებოდი საქმეს.

წელს დაშლილი მუყაოს ყუთებით გადავწყვიტე გაზეთის შეცვლა. იმედი მაქვს უკეთეს შედეგს მივიღებ.

ესეც საბოლოო სახე. რაც ვიცი და შემიძლია, მონდომება, არ დამიკლია და არც დავაკლებ ფუტკარს. ბუნებაზე და საწამლავზეა აწი საქმე, რითიც მავნებლებს ვებრძვით.